ЗӨВЛӨМЖ-2
Нүдний хуураашилт
Нулимс нь нүдний гадаргууг жигд бүрхэж байнгийн чийгшүүлж тэжээл өгөх ба нүдний цавчилт болгоноор шинэчлэгдэж байдаг.
Уг нулимсан бүрхүүл нь салст давхарга, усан давхарга, тосон давхарга гэсэн үндсэн 3 давхаргаас бүрддэг. Эдгээр давхаргуудын тэнцвэрт байдал алдагдсанаас нулимсны хэвийн бүтэц алдагдаж улмаар нүдийг чийгшүүлж чадахгүй нүдний хуурайшилтыг үүсгэдэг.
Шалтгаан, нөлөөлөх хүчин зүйлс:
- Нүдий цавчилт цөөрөх/машин жолоодох, утас дэлгэцийн хэрэглээ, ном унших г.м/.
- Зовхины үрэвсэл, тосны булчирхайн үйл ажиллагааны алдагдал
- 65-аас дээш нас
- Эмэгтэйчүүд
- Зарим эмийн хэрэглээ /харшил, сэтгэл гутрал, артерын даралт бууруулах, паркинсоны эсрэг, жирэмслэлтээс хамгаалах , шээс хөөх/
- Бие махбодын архаг хууч өвчин/Системийн өвчнүүд, чихрийн шижин/
- Хуурай, салхитай, тамхины утаатай, халуун орчин
- Контакт линз
- Хараа тэглэх мэс засал
- Витамин А болон Омега 3-ийн дутагдал
Илрэх шинж тэмдэг:
- Нүд хорсож халуу оргих
- Хараа бүрэлзэх
- Элс шороо орсон мэт торох
- Бага зэрэг салсархаг цайвар нуух гарч өглөөд зовхины ирмэг наалдах
- Нүд улайж үрэвсэх. Ялангуяа салхитай, тамхины утаатай орчинд
- Контакт линз зүүхэд өвдөх
- Нулимс гоожих
Эмчилгээ:
- Хиймэл нулимс
- Нулимсны цэг бөглөх
Хуурайшилт даамжирвал нүдэнд өөх мах ургах, эвэрлэг шархлах цаашлаад эвэрлэг цоорох хүртэл аюул учруулж болно. Тиймээс дээрхи зовуурь илэрвэл нүдний эмчид үзүүлж зөвлөгөө аваарай.
#ХӨӨРХӨН_НҮДЭЭ_ХАЙРЛАЯ
